Hītori

Te Orokohanga o Te Kura | Hītori

I whakamanatia e ngā Kōhanga Reo o Te Raki Paewhenua
kia whakatū te Kura Kaupapa Māori mo te rohe.

1993

I te mārama o Haratua 1993, ka timata te Kura Kaupapa Māori i Hāto Petera. Tokowaru ngā tamariki. Na ngā Kōhanga Reo ngā rauemi, me ngā taputapu i koha mai mō te akomanga

1994

I te tau 1994, ka rēhitatia Te Kura Kaupapa Māori, he kura ūmanga (private school) kia āhei ai te whihwi pūtea mai i te Tāhuhu o te Mātauranga. I te mutunga o te tau 1994, ka tukua he tono ki te Minita mō ngā Mātauranga kia whakamana motuhaketia mai te Kura Kaupapa Māori. I tua atu o tērā, ka tonoa e te whānau ki te Kura Kaupapa Māori o Maungawhau kia hono atu ki a rātou, kia āhei ai ki te whiwhi i te katoa o te pūtea. Waimarie, i whakaaetia mai ēnei tono e rua.

1995

I te tau 1995 ka nuku atu te Kura Kaupapa Māori i Hāto Petera ki Awataha Marae. Ka nui te mihi atu ki a Hāto Petera mō tā rātou āwhina i te Kura Kaupapa Māori nei. Ko koutou tō mātou kāinga tuatahi, kāore mātou e wareware.

2008

I te mārama ō Haratua 2008, ka nuku te Kura Kaupapa Māori i Awataha, ki Ohomairangi. Ngā mihi nui ki Awataha mō ā rātou manaakitanga, aroha me tā rātou tautoko i Te Kura Kaupapa Māori o Te Raki Paewhenua. I te tau 2008, ka tukua he tono ki te Minitā mō te Mātauranga kia whakamana motuhaketia mai Te Kura Kaupapa Māori o Te Raki Paewhenua, hei kura arongātahi. Ka taea e te Kura ki te ako i ngā tamariki katoa o te tau tahi ki te tau tekau mā toru. Tokowhitu o ngā tauira i taea ā rātou tiwhikete NCEA taumata tahi, ōrite ki te School Certificate ō ngā tau i mua.

2009  |  2010  | 2011

I te 27 ō Paengawhāwhā 2009, i whakamatia te Tāhuhu ka tū Te Kura Kaupapa Māori o Te Raki Paewhenua, he kura arongātahi Tau 1 – Tau 10 i te tau 2010. I te wahanga tuarua 2010, i whakamatia e te Tāhuhu ka tū Te Kura Kaupapa Māori o Te Raki Paewhenua, he kura arongātahi Tau 1 – Tau 13 i te tau 2011.